Shyam Teri Bansi Pukaare Radha Naam...

Krishna Bhajan


Shyam Teri Bansi pukaare Radha naam,
log kare Mira ko yunn hi badnaam,
Saawre ki bansi ko bajne se kaam
Radha ka bhi Shyam, woh to Mira ka bhi Shyam..Shyam

Ooooo Jamunaa ki lahare bansi-bat ki chhainyaan,
kiskaa nahin hai, kaho Krishna-Kanaiya
Shyam ka diwaanaa to saara Brijdhaam
Log Kare Mira ko yunn hi badnaam

Oooooo Kaun jane basuriyaa, kisko bulaye
jiske man bhaaye usike gun gaaye,
kaun nahin, kaun nahin, Bansi ki dhun kaa gulaam,
Radha ka bhi Shyam Woh to Meera ka bhi Shyam.

Raam mere aajaao....

Raam Bhajan 

Chitrakut ke ghat ghat pe Sabri dekhe baat
Raam mere aajaao..

Apne Raam ko kahan main bithaaun
kahan main Bithaaun
tooti footi khaat khaat pe bicha poorana taat
Raam mere aajaao..

Apne Raam ko kya Main khilaaun
kya Main khilaaun
chote chote ped ,ped pe lage sunhere ber
Raam mere aajaao...

Apne Raam ko kya Main pilaaun
kya Main pilaaun
kapila gadha doodh,doodh mein padi malaai khoob
Raam mere aajaao...

Apne Raam ko kahan Main jhulaaun
kahan Main jhulaaun
choti daali aam .. aam pe jhule Sita Raam
Raam mere aajaao...

apne Raam ko kaise rijhaaun
kaise rijhaaun
deen heen mohe jaane nahi
mohe bhakti na koi gyan
Raam mere aajaao.. 

Mera Bhola hai sab se Nirala....

Shiv Bhajan : Mera bhola hai sab se nirala


saare jag ka hai wo rakhwala
mera bhola hai sab se nirala
bam bhola bam bhola bam bhola
bam bhola,bam bhola,bam bhola
2.. Bhole Shankar bhagwan ki jai ho

ek chor chala Shiv mandir mein
paap tha us ke andar mein
ghanta aaya use nazar
jo tha Shivji ke upar

lekin tha kaafi ooncha
us tak wo kaise pahuncha

kaise lalach ne chakkar mein dala.
mera bhola hai sab se nirala
bam bhola- 6 times

[chor sochta hai ke ghanta kaise utaarun.
pujari jag jayega agar awaz aa gayi to..

bhole baba to bhaang pite hai
kyun na un ke upar chad kar utar loon]

upaay samjh jab aata hai
chor khada muskata hai
Shiv murat per chadkar
haath lagaya ghante par

ghanta ghan ghan bol utha
chor ka manwa dol utha
wahan pragat hua damru wala
saare jag ka hai wo rakhwala
ho bhole Shankar hai jag se nirala
bam bhola- 6
[
bhole baba toh bhang peete hai
hai bhaqt mujhe pata tha tu yahan aane wala hai
isliye maine jo bhog panditji ko pila diya.
warna wo uth jaate
aur tu pit jaata]

maang maang bole shankar
le le tu man chaha var
chor khada kanpe thar thar
dekh raha hai idhar udhar

main to chor o chakka hoon
jhoota kapatee pakka hoon
baba sach much hai tu bhola bhala
mera bhola hai sab se nirala.

koi mewa modak lata hai
koi chandan mujhpe chada ta hai
per tune to apna tan
kar diya mujhe pe arpan

tu bhakt hai mera chor nahi 
tere jaisa koi aur nahi
jhat bole yun deen dayala
bam bhola bam bhola
saare jag ka hai wo rakhwala 
han mera bhola hai sab se nirala
bam bhola bam bhola bam bhola


bam bhola bam bhola bam bhola

Shyaam Choodi Bechne Aaya!!

 Krishna Bhajan

Shyaam Choodi Bechne Aaya!!!
Manhaari ka bhes banaya
Shyaam choodi bechne aaya
chaliya ka bhes banaya
Shyaam choodi bechne aaya
Jholi kandhe dhari,
us mein choodi bhari
galiyon mein shor machaya
Shyaam choodi bechne aaya
Radha ne suni
Lalitha se kahi
Mohan ko turant bulaya
Shyaam choodi bechne aaya
choodi laal nahi pehanoo
choodi hari nahi pehanoo
mujhe Shyam rang hai bhaya
Shyam choodi bechne aaya
Radha pehnan lagi
Shyaam pehnane lage
Radha ne haath badhaya
Shyaam choodi bechne aaya
Radha kehne lagi
tum ho chaliya bade
dheere se haath dabaya
Shyaam choodi bechne aaya
chaliya ka bhes banaya
Shyaam choodi bechne aaya
Manhaari kar bhes banaya
Shyaam choodi bechne aaya

Shyam Teri Bansi Pukaare Radha Naam...

Krishna Bhajan Shyam Teri Bansi pukaare Radha naam, log kare Mira ko yunn hi badnaam, Saawre ki bansi ko bajne se kaam Radha ka bhi Shya...